टेलिकमको ब्यालेन्स ट्रान्सफर सुविधा नयाँ तरिकासहित फेरी सुरु, यसरी गरौं ब्यालेन्स ट्रान्सफर

नेपाल टेलिकमले केही समयको अन्त्रालपछि पुनः ब्यालेन्स ट्रान्सफर सुविधा सुरु गरेको हो । यसअघि प्राविधिक समस्याका कारण रोकिएको यो सुविधा टेलिकमले पुनः सुरु गरेको हो । ग्राहकहरुको सुविधालाई मध्यनजर गर्दै सेवा पुनः सुरु गरिएको टेलिकमका सहप्रवक्ता डिल्लीराम अधिकारीले जानकारी दिए । उनका अनुसार अब ब्यालेन्स ट्रान्सफर गर्दा पैसाको ठाउँमा सिधै पैयाँ लेखे पुग्नेछ । यसअघि १० रुपैयाँ ब्यालेन्स ट्रान्सफर गर्दा १००० पैसा लेख्नुपर्ने भएपनि अब १० रुपैयाँ ट्रान्सफर गर्दा १० मात्रै लेखे पुग्नेछ । एक पटकमा १० देखि १ सय रुपैयाँसम्म र एक दिनमा ५ पटकसम्म एउटा नम्बरबाट ब्यालेन्स ट्रान्सफर गर्न सकिने टेलिकमले जनाएको छ । ब्यालेन्स ट्रान्सफर गर्नका लागि *422*security code no*phone no* Rs# डायल गर्न सकिनेछ ।